Yon gwosès ki pa t planifye ka fè w santi tout bagay nan lavi w san kontwòl. Toudenkou, ou pa sèten ki jan lavni ou pral ye, ni kijan w ap pouswiv objektif ou yo. Menm si ou pa ka kontwole sitiyasyon an, ou ka kontwole fason ou jere sitiyasyon an. Fè efò pou rete trankil epi soutni patnè ou pandan tan sa a.
Kijan Ou Ka Ede
Anplis boulvès emosyonèl ki ka vini ak yon gwosès ki pa planifye, patnè ou ka ap lite tou ak sentòm gwosès ki kite l avèk fatig, malèz, ak emosyon .
- Ofri l sipò ou pandan tan sa a. Ede li ak aktivite ki twòp pou li.
- Pwopoze l pou ale avè l nan randevou medikal li yo.
- Tande li san w pa eseye di li sa li dwe fè.
- Si li enkyete pou li di fanmi li ak zanmi l sou gwosès la, ofri l pou nou di yo sa ansanm.
Pa Mete Presyon Sou Li
Kèlkeswa desizyon ou panse li ta dwe pran, pa mete presyon sou li — ni pa fòse li, ni pa eseye manipile li, tankou di l ou p ap rete avè l si li pran yon desizyon ou pa dakò ak li.
Malgre ou ta dwe pale sou opsyon ki gen rapò ak sa ki dwe fèt apre gwosès la, desizyon final la se li k ap pran l. Si ou menm ak patnè ou pa dakò sou pi bon opsyon an, li ka difisil pou kominike san konfli an pa deraye. Men kèk konsèy pou pataje san w pa mete presyon sou li:
- Rasanble enfòmasyon sou chak opsyon pou ou byen enfòme sou resous ak sipò ki disponib yo
- Tann li jiskakske li mande w opinyon ou
- Pataje enfòmasyon ou yo san konfwontasyon, epi bay li tan pou li reflechi
- Eseye fè tande l aktivaman — sa vle di repete sa li di a pou ou asire w ou byen konprann li
- Konsidere chèche èd nan men yon twazyèm pati, tankou yon konseye sante mantal, si ou bezwen èd pou konvèsasyon an rete pozitif
Kisa K ap Pase Pou Ou?
Yon gwosès ki pa planifye se pa yon eksperyans ki fasil pou pèsòn. Li nòmal si ou santi ou pèdi, oubyen tankou lavi ki ap pèdi kontwòl. Pale ak yon moun ki konprann estrès sa w ap pase a ki ka ede w. Chèche èd nan men yon konseye oubyen yon mentò pou ede w jere santiman ou yo.
Ekri sa w santi yo ka ede w eklèsi lide w yo, lè w santi y ap kouri nan tèt ou.
Sèvis Sipò
Jwenn sipò ou bezwen toupre ou. Resevwa enfòmasyon sou tout opsyon ki disponib yo, aprann sou resous yo, epi konekte ak yon ekip ki la pou sipòte ou. Sant gwosès ki nan rezo nou an ofri sèvis gratis pou ou menm ak patnè ou ka jwenn èd ou bezwen an.
