Lè ou vin konnen ou ansent kapab yon eksperyans ki boulvèsan. Lè ou ap panse pou pataje nouvèl la ak moun ou renmen yo, ou ka enkyete sou kijan yo pral reyaji oubyen kijan sa ka chanje relasyon ou avèk yo.
Li nòmal pou ou pè di paran w ou ansent, men sonje paran w renmen ou. Yo ka sezi oubyen desi okòmansman, men gen anpil chans y ap vle sipòte ou nan moman difisil sa a.
Eseye Konprann Santiman w Anvan
Lè ou ap fè fas ak yon gwosès ou pa t planifye, sa pa fasil. Ou ka poko fin klè sou kijan w santi w, oubyen ou ka gen anpil santiman ki konfli youn ak lòt. Sa a se yon reyaksyon ki nòmal pou nenpòt gwosès.
Pran yon ti tan pou jere santiman ou pou ou ka pataje yo ak paran w lè ou anonse nouvèl la.
Di Yo Pi Vit Ke Posib
Aprè wfin pran tan pou reflechi sou sa w ap viv, li pi bon pou ou pale ak paran ou sou gwosès la pi vit ke posib. Men kèk rezon ki fè li pi bon pou pa tann twò lontan:
- Pandan gwosès la ap avanse, li ka vin parèt klè ke ou ansent, epi yo ka pa konprann poukisa ou pran tout tan sa a pou di yo sa.
- Si ou deja di lòt moun sa, nouvèl la ka rive jwenn paran w san atann. Si se ou menm ki di yo dirèkteman, ou gen plis kontwòl sou kijan yo aprann nouvèl la.
- Retade konvèsasyon an ka sèlman fè ou plis anksye.
- Di paran w bonè sou gwosès la ap ba yo tan pou panse ak sitiyasyon an . Sa ap ba yo chans pou yo sipòte w pandan w ap pran desizyon sou sa w vle fè ak gwosès la.
Lòt Konsèy
Si ou toujou pa fin sèten kijan pou pale ak paran ou sou gwosès ou, men kèk lòt konsèy:
- Eseye rete kalm
- Chwazi yon moman ki konvenab kote tout moun ka chita pale san distraksyon
- Prepare tèt ou pou reponn kèk kesyon ou panse yo ka genyen
- Si w santi w bezwen sipò, mande yon moun ou fè konfyans pou akonpanye w lè w ap pale ak paran ou
Sonje byen, di paran w ke w ansent pa vle di se yo ki pou deside sa w ap fè ak gwosès la. Menm si yo ka ede w reflechi sou opsyon ou yo, desizyon final la se nan men w li ye.
Resous
Si ou bezwen plis èd, Florida Pregnancy Support Services ka konekte ou ak yon sant resous pou fanm ansent ki tou pre ou. Ou ka kontakte liy èd nou 24 sou 24, 7 jou sou 7, rele nan 1(866) 673-4673 oubyen ranpli fòmilè sou entènèt la. Liy èd la konfidansyèl e li ka mete ou an kontak ak tout resous ou bezwen yo.
